مرحباً بك في عسل جدو
عسل طبيعي 100% من قلب الفيوم إلى قلبك

جدو أحمد زكي — ولد وتربّى في الفيّوم.

كان عنده شعار ماشي عليه دايما: "خير الناس أنفعهم للناس"

وأكتر حاجة كانت بتفرّحه إنه يشارك الحاجة اللي بيحبّها مع الناس اللي بيحبّهم.

شغف جدو بالعسل بدأ لما كانت عيلته عندهم منحل من سنة 1973، وكان بيراعيه هو وأخته المهندسة الزراعية. واستمر على ده سنين وسنين.

لكن شغفه للعسل ما وقفش عند كده! ظل عاشق للعسل، يحلّي به كل المشروبات ويحب يحطه على بعض الأكل والحلويات.

وعلشان كان عنده يقين في إن العسل "فيه شفاء للناس" — وهي سنة عن النبي محمد ﷺ — فكان بيتعالج بيه ويستعمله مع معظم الجروح والأمراض، وكان بيجيب نتائج هايلة.

كان عايز كل الناس تحب العسل وتنتفع بفوايده الكثيرة، فكان بيدوّر على أحسن عسل ويبيعه للناس لحد ما توفاه الله في أبريل 2021 — رحمة الله عليه.

ومن ساعتها، نحن أولاده وأحفاده، بنحاول نكمّل اللي بدأه، ونوصل عسل جدو لكل الناس. اشتغلنا على تطوير فكرته وعملنا البراند الجميل ده (عسل جدو) علشان:

• يفضل ذكرى حلوة نفتكرها دايما
• نفتكر كل الخير اللي عمله لينا
• يفضل اسمه موجود في قلوبنا دايما
• نشارك الفايدة اللي كان فاهمها وحاسس بيها